Votat në Rrogozhinë do të rinumërohet, koalicioni ”BF” mund të fitojë bashkinë
Politikë E Mërkurë, 31 Maj 2023 16:32
55 qendrat e votimit të Bashkisë së Rrogozhinës do të rinumërohen, bashki e cila u fitua nga PS-ja, por shkaktoi një debat në lidhje me rezultatin pasi sipas opozitës, votat e blera të burgut i dhanë kryetarit të bashkisë, Edison Memollës një mandat të dytë.
Paçka se Komisioni i Ankimimeve dhe Sanksioneve nuk gjeti dakordësinë për të miratuar kërkesën e koalicionit “Bashkë Fitojmë” për rinumërim të votave për Bashkinë e Rrogozhinës, dy anëtarët e propozuar nga opozita shfrytëzuan mekanizmin zhbllokues të Kodit Zgjedhor duke vendosur hapjen e kutive bazuar në vullnetin e tyre.
Kodi Zgjedhor lejon qoftë edhe një anëtar të vetëm të KAS-it të kërkoje rinumërim për gjetjen e provave në rastet kur ka dyshime për tjetërsim votash.
