Votimet këtë të dielë, por PD-ja e Alibeajt nuk gjen dot komisionerë

Partia Denmokratike, ajo që ka kryetar të komanduar Enkelejd Alibeajn, përpos se në zgjedhjet e së dielës nuk kanë 61 kandidatë por vetëm 14, tani kanë probleme edhe me pjesën ligjore.

Ka probleme në gjetjen e komisionerëve për qendrat e votimit. Kjo forcë, 5 ditë përpara ditës së zgjedhjeve nuk ka çuar propozimet e saj për 422 qendra votimi. “PD nuk ka sjellë propozime për 422 qendra votimi. PSD për 450 qendra votimi, PL për 75”,-u tha në mbledhjen e sotme të KQZ-së.

Nga sot ka nisur shpërndarja e materialeve zgjedhore në të gjithë vendin. Ajo që vlerësohet si problematike është fakti se ende afro 100 qendra votimi nuk kanë operatorë për pajisjet e identifikimit biometrik.

Komisioneri Shtetëror i Zgjedhjeve vlerëson se nuk është në kompetencën e tij të gjykojë për retorikën e përdorur nga krerët e partive gjatë takimeve elektorale. Celibashi mohon të ketë probleme me zhvendosjen e vendosjes së qendrave të votimit, megjithatë përsërit thirrjen që zgjedhësit të mos harrojnë të kontrollojnë listat zgjedhore përpara se t’i drejtohen kutive të votimit.