Xhaçka në krye të MEPJ: E përulur për besimin që më dha Rama. Jemi në kohë vendimtare për diplomacinë

Ministrja për Evropën dhe Punët e Jashtme, Olta Xhaçka, ka reaguar sot për herë të parë lidhur me detyrën e saj të re në krye të MEPJ.
Me anë të një postimi në Twitter, Ministrja Xhaçka shprehet se është mirënjohëse ndaj kryeministrit Edi Rama që i besoi pozicionin e Ministres për Evropën dhe Punët e Jashtme.

Gjithashtu, Xhaçka ka falënderuar edhe ish-ministrin Gent Cakaj, për punën dhe mbështetjen e tij.
“Kjo është një kohë vendimtare për Diplomacinë Shqiptare”, shkruan kryediplomatja në postimin e saj në Twitter.

Ministrja Xhaçka theksoi se procesi i integrimit në BE, Këshilli i Sigurimit dhe reforma e shërbimeve konsullore janë vetëm disa nga përparësitë që do të adresohen urgjentisht.

Humbled by the trust placed on me by PM @ediramaal. Grateful to @CakajGent for his work and support. These are crucial times for #Albanian 🇦🇱 diplomacy
EU integration process, #UNSC bid, reform of consular services, just some of the priorities we are going to adress urgently. pic.twitter.com/LcVvUjeAAS

— Olta Xhaçka (@xhacka_olta) January 5, 2021