Xhafaj në Gjermani, takim me homologun bavarez

Ministri i Brendshëm, Fatmir Xhafaj, po zhvillon një vizitë zyrtare në Gjermani, është pritur sot nga homologu i tij, Joachim Herrmann. Në një status në Twitter, Xhafaj tregoi se në takim me Ministrin Joachim Herrmann, u fol për çështjen e sigurisë, marrëdhëniet dypalëshe dhe bashkëpunimi rajonal. Nga ana tjetër, pjesë e diskutimeve ka qenë Vettingu, lufta e krimit të organizuar dhe për parandalimin e azilkërkuesve, ku shqiptarët në bazë të raporteve mbetën dominues në kërkesat në vende si Franca dhe Britania.

Një pritje shumë e përzemërt dhe miqësore në Mynih nga Ministri i Brendshëm i Landit të Bavarisë z.Joachim Herrmann.Një takim pune shumë konstruktiv me të,ekipin e ministrisë e policisë bavareze për çështjet e rendit dhe sigurisë, marrëdhëniet dypalëshe dhe bashkëpunimin rajonal. pic.twitter.com/qebMnAvunL

— Fatmir Xhafaj (@FatmirXhafaj) March 19, 2018

Vlerësime shumë inkurajuese nga ministri bavarez për reformat e qeverisë në fushën e drejtësisë e sigurisë.Vlerësime pozitive dhe mbështetje për punën e arritjet në luftën ndaj krimit te organizuar,@ForcaELigjit,menaxhimin e kufirit, parandalimin e azilkërkimit,vetingun në polici

— Fatmir Xhafaj (@FatmirXhafaj) March 19, 2018

Faleminderit miqve tanë bavarezë për mbështetjen në rrugën tonë europiane! Mirëpres vizitën e ministrit Joachim Herrmann në Tiranë. pic.twitter.com/JxSSmoTqT4

— Fatmir Xhafaj (@FatmirXhafaj) March 19, 2018