Xhixho: Një vendim antikombëtar që goditi rëndë të ardhmen europiane të vendit!

Politikë E Hënë, 5 Tetor 2020 17:16

Nënkryetarja e LSI-së, Erisa Xhixho e cilëson votimin e sotëm në Kuvend, si një antikombëtar që goditi rëndë të ardhmen europiane të vendit.

Në një reagim në rrjetet sociale, Xhixho shprehet se sot u shkel Kushtetuta dhe u cenuan standartet e zgjedhjeve të 25 Prillit.

Mesazhi i plotë i nënkryetares së LSI, Erisa Xhixho:

“Një vendim antikombëtar që goditi rëndë të ardhmen europiane të vendit!

Sot u mbyllen listat duke i hequr mundësinë qytetarëve të zgjedhin përfaqesuesit e tyre në Parlament, u shkel Kushtetuta dhe u cenuan standartet e zgjedhjeve të 25 Prillit !

Kjo eshte dhe deklarata e Përfaqësuesit për Politikën e Jashtme të PPE në Parlamentin Europian, Eurodeputeti Michael Gahler:

Duke votuar sot shkeljen e Marrëveshjes së 5 Qershorit të negociuar nga Bashkimi Evropian me opozitën, kryeministri shqiptar Edi Rama hodhi një hije të errët mbi zgjedhjet e ardhshme të prillit, të cilat duhet të ishin të lira e të ndershme, dhe më të mira se të mëparshmet.

Me këtë veprim Rama qartësisht pengon integrimin evropian të Shqipërisë. Më saktësisht, shkelja e marrëveshjes së 5 Qershorit rrezikon të bllokojë dhe të shtyjë Konferencën e parë Ndërqeveritare si hapin e parë për fillimin e negociatave të pranimit në BE.

Shqipëria meriton shumë më mirë se kaq. Ne i bëjmë thirrje Presidentit ti kthejë ligjin e sotëm Parlamentit. Ne i bëjmë thirrje Kryeministrit Rama të rishikojë pozicionin e tij për hir të së ardhmes evropiane të popullit shqiptar”.

Lexoni edhe…