Xhixho: Takoj banorë të lodhur nga papunësia dhe biznesmenë në prag falimenti. Duan ndryshim

Nënkryetarja e LSI-së, njëherësh edhe kandidate për deputete në listën e qarkut të Tiranës, Erisa Xhixho edhe këtë të mrëkurë është takuar me banorë dhe biznese të njësisë nr.10. ”Largimi i trurit në Shqipëri, faktuar sot edhe nga Instituti për Studime Ekonomike Ndërkombëtare të Vjenës, që numëron mbi 40 mijë të arsimuar që zgjodhën të emigrojnë, mbetet një nga problemet që kërkon zgjidhje urgjente. Ky ishte një nga shqetësimet e të rinjve që takova sot në njësinë nr.10, që pasiguria i bën të mendojnë largimin”,-shkruan Xhixho në facebook.

Postimi i plotë

Largimi i trurit në Shqipëri, faktuar sot edhe nga Instituti për Studime Ekonomike Ndërkombëtare të Vjenës, që numëron mbi 40 mijë të arsimuar që zgjodhën të emigrojnë, mbetet një nga problemet që kërkon zgjidhje urgjente.

Ky ishte një nga shqetësimet e të rinjve që takova sot në njësinë nr.10, që pasiguria i bën të mendojnë largimin.

Takova banorë të lodhur nga papunësia dhe biznesmenë në prag falimenti, që duan ndryshim. Programi i LSI është garanci për rimëkëmbjen e çdo familjeje dhe siguri për të ardhmen e të rinjve.