Zbardhet axhenda, ja kë do takojë kryediplomati grek në Tiranë

Ministria e Jashtme greke bën publike detaje nga axhenda e ministrit të Jashtëm grek, Nikos Kotzias në Tiranë gjatë dy ditëve 6 dhe 7 qershor.

Sipas axhendës së diplomatit grek, të hënën më 6 qershor ai do të takohet fillimisht me homologun shqiptar Ditmir Bushati, me të cilin do të kenë edhe një konferencë të përbashkët për shtyp.

Më pas, Kotzias do të pritet nga presidenti Bujar Nishani dhe pasdite do të takohet me kryepeshkopin Anastas Janullatos.

Gjatë ditës së dytë të qëndrimit të tij në Tiranë, më datë 7 pritet të zhvillojë një takim me kreun  opozitës, Lulzim Basha, si dhe do të mbajë një fjalim për marrëdhëniet shqiptaro-greke gjatë eventi të organizuar nga Universiteti i Tiranës.

Pjesë e axhendës së tij janë edhe takimet me përfaqësues të minoritetit grek në Shqipëri.