Zbardhet pyetja që do bëhet në referendumin e Partisë Socialiste

Baza e Partisë Socialiste në referendumin e 9 prillit, për mandatin e kryetarit të partisë, do t’i japë zgjidhje debatit të madh për mandatin e Ramës, duke iu përgjigjur vetëm një pyetje.

“A e konfirmoni nenin që ka të bëjë me modalitetet për zgjedhjen e kryetarit?”, kjo është pyetja e formuluar që do të jetë e shkruar në fletën e referendumit, thërritur në datën 9 prill.

Ideja e referendumit për debatin për vlefshmërinë e mandatit të kryetarit të PS-së u propozua nga Edi Rama. Kongresi i së shtunës miratoi që gjithë anëtarësia të thotë fjalën e vetë duke votuar në referendum. Kongresi miratoi dhe statutin e ri të partisë, i cili sanksionon se në rastet kur partia fiton zgjedhjet, kryerit i zgjatet automatikisht mandati, sipas modelit të Partisë Laburiste në Britaninë e Madhe.

Ndërkohë deputeti Ben Blushi kërkoi zgjedhje për kryetarin, për të cilin prej tre vjetësh nuk janë bërë zgjedhje.