Zbardhet takimi mes kryeparlamentares Lindita Nikolla dhe ambasadores Yuri Kim
Kryetarja e Kuvendit, Lindita Nikolla këtë të hënë zhvilloi një takim me ambasadoren e SHBA-së në Tiranë, Yuri Kim. Bisedat kishin në fokus rëndësinë e avancimit të procesit të Vetting-ut dhe ndërtimin e një sistemi drejtësie të ndershëm, në shërbim të qytetarëve.
Po ashtu, u diskutua edhe për bashkëpunimin midis SHBA-së dhe Shqipërisë në kuadrin e Këshillit të Sigurimit të OKB-së dhe NATO-s, kjo për dënimin e Rusisë dhe mbështetjen e Ukrainës.
Një temë e rëndësishme ka qenë dhe rritja e bashkëpunimit midis Kuvendit dhe Kongresit Amerikan, edhe në kuadrin e 100-vjetorit të vendosjes së marrëdhënieve diplomatike midis të dy vendeve; nxitjen dhe mbështetjen e investimeve amerikane në Shqipëri dhe çështje të tjera të bashkëpunimit dypalësh.
Në Twitter Yuri Kim shkruan se askush nuk është mbi ligjin, teksa nënvizon rëndësinë e forcimit të lidhjes me institucionet.
”Parlamenti është një institucion thelbësor i demokracisë. Ne e vlerësojmë Kryetaren, lidershipin në mundësiminë e debatit dhe diskutimit të rregullt nga deputetët në emër të qytetarëve, duke demonstruar se askush nuk është mbi ligjin dhe duke forcuar lidhjet midis dhe institucioneve demokratike”.
