Zbulohet dokumenti, ja çfarë shkroi Berisha në procesverbalin e SPAK

Kreu i PD Sali Berisha u paraqit ditën e sotme në ambientet e SPAK për të respektuar masën e ”detyrimit të paraqitjes” të vendosur ndaj tij.

Në fletën e procesverbalit të paraqitjes së tij, Berisha ka shkruar se ky është një akt i turpshëm politike me të cilin prokuroria në kundërshtim me kushtetutën kërkon ndalimin e fjalës së tij të lirë.

“Ky është një akt i turpshëm politik me të cilin prokuroria në kundërshtim me kushtetutën kërkon të më ndalohet fjala e lirë, dhe një gjykatës, kukull i partisë, vendosi sipas kërkesës së tyre. Unë kam denoncuar dhe do denoncoj bashkëpunimin e Dumanit e kompani me krimin si një organizatë kriminale”, shkroi Berisha.