Zëdhënësi i Presidentit, Tedi Blushi thirret në prokurori

Zëdhënësi i Presidentit, Tedi Blushi është thirrur sot në prokurori pas shantazheve që disa diplomatë kanë bërë ndaj tij.

Blushi do të merret në pyetje pas postimit në Facebook se është shantazhuar. Zëdhënësi i Presidentit është thirrur në prokurorinë e Tiranës.
Pasditen e së enjtes, përmes një statusi në facebook, Presidenti Meta deklaroi se zëdhënësi i tij Tedi Blushi është shantazhuar nga një ambasadë e huaj në Tiranë. Meta theksoi se shtantazhi për shkak të detyrës ndaj Blushit ka ardhur pas një postimi që ky i fundit kishte bërë në rrjetet sociale, ku i kërkohej që të hiqej. Ndërkohë një ditë më pas, Presidenca iu drejtua me një shkresë organit të akuzës ku i kërkonte të verifikojë telefonatën shantazhuese ndaj zëdhënësit, Tedi Blushi.