Zgjatet mandati i ambasadorëve, në emërimin e diplomatëve përfshihet edhe Kuvendi
![](https://kohajone.com/wp-content/uploads/2016/07/ministria-e-jashtme-1.jpg)
Ligji për shërbimin diplomatik do të ndryshojë sërish, dhe parashikohet që mandati i një ambasadori nga 3 të zgjasë 4 vite. Sekretari i përgjithshëm i Ministrisë së Europës dhe të Punëve të Jashtme, Armand Skapi thotë: “Praktika 4-vjeçare ka rezultuar më efektive. Sepse nëpërmjet kohëzgjatjes ai krijon më tepër lidhje dhe kontakte me vendin pritës. Gjithashtu rezulton më efektiv nga ana e pikëpamjes financiare dhe menaxheriale sepse për çdo transferim diplomatik nga një vend në tjetrin ka kosto financiare”.
Diplomati në krye të mbarimit të mandatit ka ta drejte ta rinovoje atë, por në një shtet tjetër. “Ky rinovim mandati ndodh vetëm një herë për një vend tjetër jo për atë vend ku ka qenë, ose kthim në Ministrinë për Europën dhe Punët e Jashtme ose në institucionet e tjera ku diplomati ka punuar më parë”, shton Skapi. Ai shpjegon se roli i Kuvendit nuk përjashtohet nga procesi i emërimit të ambasadorëve në misionet diplomatike, pasi nuk shmanget detyrimi i tij për të raportuar në Komisionin për Politikën e Jashtme.
“Është parashikuar që roli i Kuvendit të jetë pas dekretimit dhe para marrjes se agrimentit të ambasadorit nga vendi pritës. Pra nëse Kuvendi apo Komisioni për Politikën e Jashtme do kishte konsiderata negative për kandidatin në fjalë do ndikonte në procesin e dhënies apo mosdhënies së agrimentit nga vendi pritës”, përfundon Skapi për ”Top Channel. Pas fazës së konsultimit publik drafti pritet te miratohet ne Qeveri për ti kaluar me pas për diskutim Parlamentit.