Zgjedhje të parakohshme? Rama: Thashetheme nën çadrën e plazhit. Kurse për ndryshimet në qeveri…

Kryeministri Edi Rama përjashton çdo mundësi që të mbahen zgjedhjet e parakohshme parlamentare. “Mos humbisni kohë me këto thashetheme që janë për nën çadrën e plazhit dhe jo për të humbur kohën ne këtu në godinën e qeverisë”, tha Rama gjatë konferencës me gazetarët këtë të premte.

Po ashtu kryeministri Edi Rama u pyet nëse do të ketë ndryshime në qeveri, ku u shpreh “Prisni edhe pak ditë, mbledhja e Asamblesë së PS vjen shpejt”.

-Zoti Rama, do të ketë ndryshime në qeveri? Do të ketë një riformatim të plotë të kabinetit qeveritar?

Kryeministri Edi Rama: Faleminderit për pyetjen. Për pyetjen e parë do duhet të prisni dhe pak ditë se asambleja do mblidhet shpejt.