Zgjedhje të reja,referendum për tre draftet PS, LSI dhe PD.Populli vendos!

Reforma në drejtësi po sjell ngjarje të cilat asnjë nuk i mendonte. PS insiston në draftin e saj, LSI nëpërmjet ministrit të drejtësisë ka paraqitur një draft konsensual  dhe që zgjidhte dilemën e drejtësisë, kurse PD-ja nuk shkoi fare në komisionin e fundit, sepse PS-ja nuk i pranoi asaj numrin 93 vota për t’i miratuar ndryshimet kushtetuese. Ndaj duket se nuk ka asnjë konsensus mazhorancë me opozitë, porse pikësëpari nuk shikohet kjo mes PS e LSI. Fakti që ekspertët e selisë rozë me porosi të Edi Ramës nuk pranuan të shqyrtojnë as draftin e ministrisë së drejtësisë e hartuar me ekspertët me të mirë të kësaj ministrie, por që mbart paksa erë LSI, fakti që selia blu nuk merr pjesë në draftin përfundimtar e kjo mbetet absurde, fakti se të gjitha palët janë gati të përleshen në zgjedhje të parakohshme parlamentare tregon se zgjedhjet janë në pranverë, pra nga muaji mars-prill.  Me këtë rast populli do të vendos edhe politikisht se kujt do t’ia besoj qeverisjen pas dy viteve e kusur reforma të egra socialiste si dhe do të votojë në një dite e në një kuti edhe njërin nga tre draftet e drejtësisë. Fushata elektorale do të jetë edhe politike, sepse flitet se cila parti merr pushtetin, porse kryesisht do të mbizotëroj edhe një fushatë me specialiste e njërëz të mendjes se do t’ju shpjegojnë për draftin e tyre, sejcila parti. Pra PS, PD dhe LSI kanë tre drafte dhe do të votohen në popull.

Pas zgjedhjeve e cila ka shumë gjasa se do të jetë përsëri qeveri koalicioni, por jo me kryeministër Ramën .

Po shkojmë me vrap e me dëshirë drejt zgjedhjeve të parakohshme parlamentare dhe në një ditë do votohen në referendum të tre draftet e tre partive kryesore.

Përgatituni për zgjedhje të reja!