Zgjedhjet e 25 prillit, LSI synon 11 deputetë në qarkun e Tiranës

Zgjedhjet parlamentare të 25 prillit po afrojnë, ndaj dhe kryetarja e LSI-së, Monika Kryemadhi ka mbledhur kandidatët e Tiranës, ku po diskutohet për këto zgjedhje.

Burime nga mbledhja thanë se rezultati i LSI-në në Tiranë do të jetë më i lartë se 4 vite më parë.

Këto burime sqaruan se Kryemadhi kërkoi një angazhim akoma më të madh për informimin e votuesve me programin e LSI, të intensifikohet kontakti me biznesin për të shpjeguar planin.

“Kishte një besim të madh për një rezultat jashtëzakonisht të lartë në Tiranë. LSI ndjen një rritje të madhe të përkrahjes nga 4 vjet më parë duke parashikuar arritjen e 11 mandateve në Tiranë. Mbështetja në rritje midis të rinjve dhe përkrahja e qytetarëve ndaj 5 prioriteteve të LSI-së për 5 muajt e parë të qeverisjes, motivonin tonin optimist të takimit. Kryemadhi kërkoi një angazhim akoma më të madh për informimin e votuesve me programin e LSI, të intensifikohet kontakti me biznesin për të shpjeguar programin ekonomik të LSI, me votuesit për herë të parë, të rinjtë dhe gratë për shpjegimin e përfitimit nga propozimet e LSI. Të shikohet vlefshmëria e skandencës së kartave të identitetit dhe pasaportave biometrike duke nxitur qytetarët për ti rinovuar në kohë për zgjedhje.”, thanë burimet.