Zgjedhjet lokale, Rama konfirmon rikandidimin e një tjetër kryebashkiake

Edhe Alma Hoxha në Përmet do të kandidojë për një mandat tjetër në logon e PS-së në zgjedhjet lokale 2023.

“Në Përmet gjithçka fillon dhe mbaron me Almën. Nëse këtu do kishte vetëm burra, nuk do i thonin qyteti i trëndafilave. Se gratë dhe vajzat e Përmetit janë të veçanta”, u shpreh Rama.

Emrat e tjerë që do të rikandidojnë për kryetar bashkie nën logon e Partisë Socialiste janë Armando Subashi për Bashkinë Fier, Eriselda Sefa për Bashkinë Lushnje dhe Erion Veliaj për Bashkinë Tiranë.

Për kryebashkiakun e Vlorës, Dritan Leli, kryeministri Rama ka theksuar se nuk do ia japë një mundësi tjetër.