Zgjedhjet të dielën/ Vasili: Në Durrës merr fund diskriminimi, Ardian Muka është për një ndryshim rrënjësor

Koalicioni ”Shtëpia e Lirisë”, mbylli fushatën zgjedhore në Durrës, qark ku do të ketë zgjedhje lokale këtë të dielë.

Nënkryetari i LSI-së, Petrit Vasili i pranishëm në takimin përmbyllës, thotë se më 6 mars merr fund arroganca dhe diskriminimi, sepse qytetarët thotë ai, do të votojnë masivisht për kandidatin Ardian Muka.

”Në Durres më 6 mars merr fund arroganca dhe diskriminimi. Mijëra qytetarë durrsakë e kanë marrë vendimin për një ndryshim rrënjësor. Ardian Muka si kryetar i bashkisë, do të jetë shembulli i qytetarit të respektuar dhe shërbëtorit të palodhur për qytetarët”.