Zgjedhjet vendore, Basha: 1 në 5 kandidatë të PD do jetë grua

Në aktivitetin e djeshëm të FRESH, kryeministri Rama gjatë fjalës së tij deklaroi se në zgjedhjet lokale të 2015-ës këshillat bashkiakë do të kenë përfaqësi të barabartë, 50% gra e 50 % meshkuj. I menjëhershëm ka qenë sot reagimi i Partisë Demokratike me anë të deputetes Albana Vokshi, e cila në aktivitetin e mbajtur për çështjen e barazisë së përfshirjes së grave në aspektin politik dhe social tha se PD në zgjedhjet lokale 1 në 5 kandidatë do ta ketë grua.

Sipas Vokshit në deklaratën e tij të djeshme Rama ka kopjuar platformën e PD e cila 20% të përfaqësuesve vendorë që kjo forcë do të fitojë do të jenë gra.

”Rama duke kopjuar paltformën tonë gjinore tha që do ishin 50% gra në këshillat bashkiakë. Sfida jonë shkon edhe më tej se ne zotohemi për 50, është zotim i kryetarit Basha më ka autorizuar që të them që PD do të ketë jo më pak se 1 në 5 gra si kandidate për bashkitë. Nuk duket shifër e madhe por është hera e parë që një parti bën këtë hap, në 20% të bashkive nga sa është numri i përgjithshëm (minimum 20 %) do të jenë gra, gara duhet të jetë e barabartë”-deklaroi Vokshi.

Me kete deklarate, duket se demorkatet kane hequr dore nga bojkoti i zgjedhjeve lokale te qershorit, te cilat kercenonin se do t'i bojkotonin per shkak kundershtise te hapur ndaj ndarjes se re administrative me 61 njesi vendore.