500 milionë doza të vaksinës kundër koronavirusit, të prodhuara nga kompania Pfizer, për vendet në zhvillim, nga viti i ardhshëm do të japë SHBA-ja. Presidenti Joe Biden premton “arsenal vaksinash”. Shtetet e Bashkuara do të ndajnë në total mbi 1 miliard doza vaksinash kundër Covid-19.
Ekspertët thonë se rreth 11 miliardë doza janë të nevojshme për të vaksinuar të paktën 70 për qind të popullsisë globale.
Në muajin qershor, vendet anëtare të G7-ës -Kanadaja, Franca, Gjermania, Italia, Japonia, Mbretëria e Bashkuar dhe Shtetet e Bashkuara janë zotuar për të dhënë donacion 1 miliard doza të vaksinave për vendet e varfra në vitin e ardhshëm.
