25 minuta shi, kaos dhe dëme kolosale në Shkup (VIDEO)

Pemë të rrëzuara mbi vetura, rrugët e shndërruara në lumenj. Kështu dukej Shkupi sot, pas një stuhie që zgjati vetëm 25 minuta.

Edhe pse zgjati vetëm disa minuta, shiu i madh që kapi qendrën e Shkupit ka lënë dëme të mëdha nëpër të gjithë qytetin, duke krijuar një kaos të vërtetë.

Meteorologët thonë se për 25 minuta janë matur 11 litra ujë për metër kub, ndërsa era kishte një shpejtësi prej mbi 80 km në orë.

Dhjetëra vetura nëpër kryeqytet janë dëmtuar nga drunjtë që kanë rënë nga era e fortë.