30% e grekëve janë pro Grexit dhe kthimit të dhrahmisë

30 përqind e grekëve janë pro Grexit, ose thënë ndryshe pro daljes së Greqisë nga zona euro, për pasojë kthimit të dhrahmisë,  50%  mendon se koalicioni qeverisës do të bjerë së shpejti dhe do të krijohet një qeveri teknike, kurse 55.1 parashkojnë përkeqësim të gjendjes ekonomike gjatë 2016. Këto janë rezultatet e sonadazhit të kompanisë Kappa Research, publikuar në të përditshmen greke To Vima, të cilat tregojnë se pak muaj pas zgjedhjeve të mbajtuara në shtator,  qeveria e kryeministrit Aleksis Tsipras ndodhet në presion të konsidetueshëm.

Votuesit u pyetën në lidhje me nismat e qeverisë, reformën e pensioneve, krizën e refugjatëve dhe rrezikun e terrorizmit. Sipas sondazhit, për 69.5 për qind  të të anketuarve, 2015 ishte një vit i shpresës dhe zhgënjimit me politikë. Në lidhje me gjendjen e tyre financiare personale, 57.7 për qind e grekëve thanë se ishin pesimistë se situata pritet të behet edhe më keq.

Ndërkohë, sa i përket ngjarjes më të rëndësishme  të vitit që lamë pas, për grekët ishte vendosja e kapitalit të kontolluar më 29 qershor. Në lidhje me krizën e refugjatëve, 60.5% besojnë se koordinimi me Bashkimin Evropian është i nevojshme për zgjidhjen e krizes, ndërsa 24.9% duan të mbyllin kufijtë.  62.8% e të anketuarve komentuan se  muslimanët paqësore që jetojnë në Evropë nuk duhet të ngatërrohen me ekstremistët radikalë, ndërsa 36.2% mendojne  se Islami është  një “kërcënim” në Evropë.