Albin Kurti flet për gazetën ”El Pais”: Spanja duhet të njohë Kosovën

Gazeta spanjolle ”El Pais” ka marrë në intervistë kryeministrin e Kosovës, Albin Kurtin. Ai ka deklaruar se shteti spanjoll duhet ta njoh Kosovën pasi asgjë të përbashkët nuk kanë rastet mes Kosovës dhe Katalonjës e baskëve.

Po ashtu Kurti ka deklaruar se njohja e shtetit të Kosovës do ta ndihmonte Spanjën ta demonstronte se rastet nuk janë të njëjta pasi Serbia ka bërë gjenocid në Kosovë.

”Spanja duhet dhe do ta njohë Kosovën. E di që ka disa ankesa, por siç ka thënë shkrimtari ynë i madh Ismail Kadare, kur fitoi çmimin ‘Princi i Asturias’: ‘Spanja nuk duhet të krahasohet kurrë me Serbinë, sepse Serbia bëri gjenocid në Kosovë’. Besoj se pikërisht me njohjen e Kosovës, Spanja tregon se Katalonja dhe baskët janë raste të ndryshme”.