Ambasadori i Shqipërisë në Maqedoni: Shqipëria nuk përzihet, por brengoset për shqiptarët Pëlqej0 Fatos Reka

Ambasadori i Shqipërisë në Maqedoni, Fatos Reka, në një intervistë për “Radio Evropa e Lirë”, ka thënë se Shqipëria nuk përzihet në punët e brendshme të Maqedonisë, por sipas tij, bëhet fjalë vetëm për konsultime me liderët e partive politike.

“Nga pikëpamja jonë padyshime se kjo nuk paraqet përzierje në punët e brendshme të Maqedonisë, për shkak faktit se partitë politike shqiptare nga zgjedhjet e 11 dhjetorit e kanë këtë rezultat që tanimë dihet.

Padyshim se partitë shqiptare në këtë moment kanë një vlerë në lidhje me formimin e Qeverisë.

Qeveria dhe shteti shqiptarë kanë detyrë kushtetuese të brengosen për bashkëkombasit tonë, të cilët jetojnë në jashtë territorit të Shqipërisë dhe për këtë arsye ndodhën takimet me kryeministrin e Edi Rama dhe presidentin e Kosovës Hashim Thaçi”, ka thënë Reka.

Lidhur me pyejen se a mund këto takime të sjellin konflikte ndëretnike, Reka u shpreh i bindur se nuk do të ndodhë një gjë e tillë, për shkak se sipas tij, politikanët shqiptarë dhe maqedonas do të dijnë të menaxhojnë me këtë situatë.