Brukseli kërkon “OK” nga deputetët grekë për zgjidhjen e çështjes së emrit të Maqedonisë

Presidenti i Komisionit Europian, Jean-Claude Juncker dhe shefja e diplomacisë europiane Federica Mogherini, me sa duket e mbështesin nevojën për një marrëveshje eventuale për kontestin e emrit midis Maqedonisë dhe Greqisë. Ata kanë kërkuar që të rritet mbështetja e deputetëve në parlamentin grek të cilët mbështesin marrëveshjen e mundshme që mund të arrihet për emrin midis dy shteteve.

Referuar burimeve partiake pranë partisë SIRIZA, gazetat greke shkruajnë se në vend të 151 deputetëve, Athinës i është sugjeruar nga Brukseli që të sigurojë mbështetjen e 180 deputetëve të cilët do të japin dritë jeshile për zgjidhjen e mundshme të kontestit të emrit.

“Sipas burimeve të sigurta, Qeveria greke ka marrë rekomandime me qëllim të mirë dhe këshilla që të kërkon që marrëveshja eventuale për çështjen e emrit të votohet me 180 vota në parlamentin grek. Jean-Claude Junker dhe Federika Mogherini dy zyrtarë të lartë të BE-së, insistojnë në këtë pasi që ekziston bindja se marrëveshja eventuale midis Shkupit dhe Athinës mund të ketë prespektivë evropiane, për shkak të qëndrimeve radikale të opozitës greke, zyrtar të BE-së kërkojnë mbështetje më të madhe parlamentare për një marrëveshje eventuale midis Shkupit dhe Athinës”, thonë burime të gazetave opozitare greke.