”E papranueshme”, Vuçiç në New York: Nuk ka shans që të lejojmë Kosovën në OKB

Presidenti serb Aleksandër Vuçiç, në një prononcim në ”TV privat Pink” në New York, ku është për Asamblenë e Përgjithshme të Kombeve të Bashkuara, tha se ”nuk ka shans që të lejojmë Kosovën në OKB”.

Po ashtu Vuçiç ka shtuar se ka refuzuar një dokument me propozimin për zgjidhjen e çështjes së Kosovës që ia ka treguar i dërguari i BE-së, Miroslav Lajçak. Në këtë dokument, raportojnë mediat, ndër të tjera flitet për pranim të shpejtë të Prishtinës në OKB, me njohjen e Kosovës nga Serbia brenda një periudhe dhjetëvjeçare.

Vuçiç thotë se pozicioni i Serbisë është i vështirë, por ka shtuar se në asnjë rrethanë vendi i tij nuk do të dorëzohet. “Duhet të kuptoni se janë 5 vende kundër nesh sa i takon Kosovës. Nuk mund të arrijmë shumë këtu, por do të luftojmë”.