Franca dhe Gjermania kërkon zgjedhje të reja, Kurti pret në takim Escobarin dhe Lajçakun

Mbrëmjen e sotme ka nisur takimi i kryeministrit të Kosovës, Albin Kurti, me emisarin e BE-së për dialogun Kosovë-Serbi, Miroslav Lajçak dhe emisarin e SHBA-së për Ballkanin Perëndimor, Gabriel Escobar.

Albin Kurti kishte mbërritur në objektin e Qeverisë. Në objektin e qeverisë janë parë të hyjnë edhe i dërguari amerikan për Ballkanin Perëndimor, Gabriel Escobar dhe i dërguari i Bashkimit Evropian për dialogun mes Kosovës dhe Serbisë, Mirosllav Lajçak.

Zyra e kryeministrit të Kosovës, Albin Kurti, kishte thënë se takimi mes kryeministrit dhe diplomatëve të huaj, duhej të niste në orën 20:00 në ndërtesën e Qeverisë.

Një ditë më parë, Escobar ka thënë për BBC-në se tensionet në veri të Kosovës kanë qenë të shmangshme, dhe u ka bërë thirrje Qeverisë së Kosovës që të marrë hapa drejt uljes të tensioneve.