Ishulli Mykonos në izolim, anulohen 75 % e rezervimeve

Mykonos po provon lockdoën-in e pare lokal si rezultat i shpërthimit te rasteve me koronavirus. Përveç ndalimit te muzikës pas orës 6 të pasdites, në rregullat e reja qe ka shpallur qeveria greke për ketë ishull dhe që do të jenë në fuqi të paktën deri në 26 korrik, ndalohet qarkullimi i njerëzve pas orës 1 te natës deri ne 6 te mëngjesit.

Pamjet dhe fotografitë e para kane treguar rrugët karakteristike te heshtura dhe bosh pas mesnate, aspak te zakonshme për të ashtuquajturën “zemra kosmopolitane” e argëtimit te turisteve.

Autoritetet lokale kane reaguar ashpër ndaj vendimit te qeverise, bizneset, po ashtu dhe te punësuarit, pasi behet fjale për një urdhër ne momentin e shpërthimit te sezonit turistik. Nga ana tjetër zyrtaret e qeverise dhe specialistet këmbëngulin se masat e marra ishin te domosdoshme për të ndaluar katërfishimin e infektimeve brenda vetëm pese ditëve.

Vetëm disa ore pas vendimit ka pasur mijëra anulime te rezervimeve për dhjetëditëshin e ardhshëm, qe shkojnë ne masën 75%, një goditje e rende kjo për ketë ishull qe është simboli i turizmit ne Greqi. Madje ka paralajmërime nga autoritetet qeveritare edhe per lockdoën-e te mundshme locale ne disa ishuj te tjerë turistike si Paros, Santorini dhe Kreta ku vihen re rritje te infektimeve sidomos me variacionin Delta.