Kaos edhe në Kuvendin e Kosovës, deputetja-Kurtit: Ti je për ”Big Brother”

Kaos dhe debate ka pasur edhe këtë të enjte në Kuvendin e Kosovës. Deputetja e AAK-së, Time Kadrijaj, i tha kryeministrit Albin Kurti se është tallur me deputetët si dhe qytetarët e Kosovës.

Kadrijaj i tha Kurtit, meqë ka aftësi për humor, e ftoi të hyj në “Big Brother”, spektakël ky që po mbahet për herë të parë në Kosovë.

“Situata mbetet e komplikuar, ne e kemi menduar që sot Kurti do t’i adresohet deputetëve dhe qytetarëve karshi situatës që e ka krijuar vet. Sot bëri një spektakël dhe humor duke u tallur me qytetarë, meqë ke aftësi për humor z. Kryeministër, të ftoj me shku në “Big Brother”, tha Kadrijaj.