Kapen 104 kg në kufirin greko-shqiptar, pranga shoferit dhe një 24-vjeçareje (Foto)
Rajoni E Hënë, 16 Gusht 2021 06:47
GREQI- Policia greke ka sekuestruar plot 104 kg marijuanë në kufirin greko-shqiptar. Sipas policisë së vendit fqinj, droga u kap në Kozani ku u ndalua një mjet që vinte nga kufiri i gjelbër.
Brenda në mjet policia gjeti dhe sekuestroi 8 thasë me 40 pako me 104 kg marijuanë. Në pranga kanë rënë dy shtetas grekë, shoferi 54-vjeçar dhe një vajzë 24-vjeçare pasagjere. Gjithashtu u sekuestruan 2 celularë me 2 karta SIM.
