Lideri i serbëve të Bosnjës: Në Sarajevë, Podgoricë e Tiranë 300 persona mbahen nën vëzhgim si filo rusë

Ndikimi malinj në Ballkan është çështje perspektive. Perëndimi deklaron se Rusia apo palë të tjera rivale të tij përfaqësojnë ndikimin malinj, ndërkohë që qasjet ndryshe nuk mungojnë.

Kreu i Presidencës boshnjake, Milorad Dodik ka deklaruar se ndikimi malinj në Ballka ka ardhur përgjithësisht nga qasjet antiserbe, artikuluar kryesisht nga britanikët.

“Shumë nga gjërat e këqija që kanë ndodhur këtu në shekujt e fundit kanë qenë të lidhura me influencën malinje antiserbe, kryesisht nga britanikët që përpiqen vazhdimisht të ulin ndikimin e serbëve si populli më i madh në Ballkan. Të gjitha këto akuza kundër Moskës janë në funksion të hyrjes së Serbisë dhe Republikës Srpska në NATO”,- tha ai.

Sipas tij presioni i ushtruar nuk do të ketë ndikim pasi Serbia dhe Republika Srpska nuk do të heqim dorë nga neutraliteti i tyre ushtarak. “Britanikët kanë miratuar 6 milionë paund për të luftuar ndikimin malinj të Rusisë dhe amerikanët po ashtu kanë dhënë disa fonde. Në Sarajevë, Podgoricë dhe në Tiranë ka qendra të shërbimeve sekrete të Perëndimit. Ata kanë një listë me 300 emra nga Serbia dhe RS që sipas tyre përhapin ndikimin malinj rus dhe këta janë në shënjestër”,- tha Dodik.

Milorad Dodik është një prej politikanëve të rajonit që akuzohet për përkrahje të hapur të Rusisë në aktivitetin e tij në Bosnje.