Maqedoni, Ivanov tërheq amnistinë për 22 politikanë

Presidenti i Republikës së Maqedonisë, Gjorge Ivanov mori sot vendimin për heqjen e faljes ndaj 22 personaliteteve politike.

“Në pajtim me ligjin për amnisti, mora vendimin për tërheqje të faljes nga ndjekja pa zbatim të procedurës për personat e ekspozuar politikisht”, theksoi Ivanov sot në një fjalim nga pallati presidencial.

Më datë 12 prill të vitit 2016, presidenti Ivanov amnistoi gjithsej 56 persona duke theksuar se këtë vendim e kishte ndërmarrë në interes të vendit për t’i dhënë fund krizës politike që ka pushtuar Maqedoninë prej disa muajsh.