Maqedoni, Komisioni i heq imunitetin Gruevskit

Komisioni për cështje të rregullores, mandatit dhe imunitetit me shumicë votash vendosi për heqjen e imunitetit të Nikolla Gruevskit.

Kryetari i komisionit, Pavle Bogoevski, kërkoi përgjegjësi nga institucionet të cilat sipas tij nuk arritën të parandalojnë arratisjen e Gruevskit.

Në votimin e propozimeve në Komision nuk morën pjesë deputetët e VMRO-DPMNE-së.

Marrjen e imunitetit të Gruevskit, Gjykata Penale e kërkon mbi bazën e vendimit gjyqësor në rastin “Tanku” dhe akuza të tjera të PSP-së.

Imuniteti i Gruevskit merret me qëllim që në rast se kthehet në Maqedoni të arrestohet dhe të dërgohet në burgun hetues të Shutkës.