Maqedonia prezanton kapitullin 24 në Bruksel

Zëvendëskryetari i Qeverisë për Çështje Evropiane, Bujar Osmani, në rolin e negociatorit kryesor dhe shefit të delegacionit shtetëror për negociata me BE-në, do të kryesojë sot delegacionin shtetëror- qeveritar në Bruksel në sesionin e punës me përfaqësuesit e Komisionit Evropian, ku do të prezantohet kapitulli 24 – e drejta, liria dhe siguria.

Sipas njoftimit të Qeverisë së Maqedonisë, gjatë takimit Osmani do të mbajë brifing joformal me përfaqësuesit e grupit punues në Këshillin e BE-së për Ballkanin Perëndimor, ku do të prezantohet edhe Plani 18, si dhe do të ketë takim pune me eurokomisionerin për Zgjerim dhe Politikë Fqinjësore, Johanes Han.