Mogherini: Ballkani ka një rol kyç për sigurinë dhe parandalimin e radikalizmit

Shefja e diplomacisë evropiane, Federica Mogherini deklaroi para takimit joformal të kryeministrave të gjashtë vendeve të Ballkanit Perëndimor në Bruksel, ku temë kryesore do të jetë bashkëpunimi ndërmjet shteteve në rajon dhe kooperimi i tyre me Bashkimin Evropian.

“Kemi parë se Ballkani Perëndimor është rajoni kyç kur bëhet fjalë për sigurinë dhe parandalimin e radikalizmit, ndërsa shumë mirë bashkëpunojmë edhe në aspektin e zgjidhjes së çështjes së refugjatëve dhe kontrollit të kufijve”, ka thënë Mogherini në konferencën për media.