Ndërron jetë funksionar i lartë i BDI-së

Ka ndërruar jetë sekretari i përgjithshëm i Bashkimit Demokratik për Integrim, Abdilaqim Ademi.

Ai u nda nga jeta të enjtën rreth mesnatës në Tetovë. pas një sëmundjeje të rëndë.

Ai ka ushtruar funksione të larta shtetërore, si zëvendëskryeministër për zbatimin e Marrëveshjes së Ohrit në Maqedoni.

Ademi ka qenë edhe ministër i Arsimit dhe ministër i Ambientit Jetësor në këtë vend.

Për shkak të sëmundjes, ai ishte larguar nga skena politike.