Nisin në Athinë bisedimet zyrtare për emrin e ri të Maqedonisë

Me takimin “koka më kokë”  me ministrin alternativ të Punëve të Jashtme të Greqisë, Jorgos Katrugalos, ka nisur sot vizita në Athinë e Zëvendës kryeministrit të angazhuar për Çështje Evropiane, Bujar Osmani. Menjëherë pas takimit me Katrugalos, Osmani ka patur drekë pune me shefin e diplomacisë greke, Nikos Koxias. Të dy takimet kanë qenë të mbyllura për gazetarët dhe nuk është paraparë mbajtja e konferencave për media.

Që herët në mëngjes flamuri i Maqedonisë ishti vendosur në ndërtesën qendrore të MPJ-së greke. Në një intervistë për Agjencinë e Pavarur Ballkanike të Lajmeve – IBNA, Osmani deklaroi se vizita së sotme është në drejtim të ndërtimit të besimit mes Shkupit dhe Athinës dhe se vetëm në atmosferë të tillë, është e mundur të bëhet përpjekje për gjetjen e zgjidhjes së pranueshme për të dyja palët rreth dallimeve për emrin. Përsërit se gjashtë muajt e ardhshëm janë një shans historik për Republikën e Maqedonisë për të bërë një hap serioz në agjendën euroatlantike.

Mediat greke vizitën e Osmanit, megjithatë, e komentojnë si pikën e parë nga aktivitetet e parapara të janarit rreth çështjes së emrit të ri të Maqedonisë, gjë për të cilën prej vitesh marrëdhëniet midis dy shteteve kanë qenë të acaruara.