Nuk ka tym të bardhë në Bruksel, Vuçiç pas takimit me Kurtin: Asnjë marrëveshje

As në Bruksel nuk ka ulje të tensioneve dhe as marrëveshje mes Kosovës dhe Serbisë. Presidenti i Serbisë, Aleksandër Vuçiç, tha se në bisedimet me kryeministrin e Kosovës, Albin Kurti, për çështjen e targave nuk është arritur asnjë marrëveshje.

“Për arsye të paqarta, nuk kemi arritur absolutisht asnjë marrëveshje”, tha Vuçiç pas bisedimeve disa orëshe.

Takimi u mbajt me ftesë të kryediplomatit evropian, Josep Borrell, ndërsa nisi rreth orës 10:00. Fillimisht, Borrell mbajti takime ndaras me kryeministrin Kurti dhe presidentin Vuçiç.