Pacolli për policin e vrarë: Sulm terrorist

Kryetari i Aleancës Kosova e Re, Behgjet Pacolli ka publikuar foton e efektivit të policisë Afrim Bunjaku që humbi jetën në detyrë. Ai u sulmua nga disa persona të armatosur në Leposaviq. Pacolli e cilëson sulmin një akt terrorist, teksa ngushëllon dhe familjarët e viktimës.

“Gjatë natës ka mbetur i vrarë njëri prej policëve tanë hero, Afrim Bunjaku, ndërsa një tjetër është plagosur. Ky është një sulm i rëndë ndaj ligjit dhe rendit, dhe nuk është gjë tjetër veçse një akt terrorizmi dhe duhet trajtuar si i tillë.

Ngushëllimet e mia familjes Bunjaku, ndërsa policit tonë të lënduar i uroj shërim të shpejtë. Opozitë dhe pozitë, duhet të jemi të gjithë të bashkuar në këto momente”, shkruan Pacolli.