Papa Françesku, vizitë zyrtare në Maqedoninë e Veriut

Gjatë muajit maj, Papa Françesku do të jetë për vizita zyrtare në shtetet e Ballkanit. Vatikani ka njoftuar se Ati i Shenjtë do të vizitojë Bullgarinë dhe Maqedoninë e Veriut. Mëngjesin e 7 majit, Papa do të mbërrijë në Shkup ku do të takohet me liderët kryesorë të vendit. Anëtarë të shoqërisë civile, të trupit diplomatik dhe besimtarë të shumtë do të kenë mundësinë të përshëndesin nga afër Papa Françeskun.