Parlamenti i Maqedonisë miraton sërish marrëveshjen për emrin me Greqinë

Parlamenti i Maqedonisë ka kaluar 69 vota pro marrëveshjen për çështjen e emrit me Greqisë. Marrëveshja është miratuar pa praninë e deputetëve të opozitës. Ky është ratifikimi i dytë i marrëveshjes, pasi Presidenti Gjorgje Ivanov nuk pranoi ta dekretonte.

Ligji për ratifikimin e marrëveshjes me Greqinë në lexim të tretë është pika e vetme e rendit të ditës në seancën e 54-të të Kuvendit.

Më 20 qershor deputetët e Kuvendit të Maqedonisë me 69 vota “pro” miratuan për herë të parë ligjin dhe të njëjtë ditë ligji u dërgua për tek presidenti Ivanov, i cili brenda afatit të paraparë me ligj njoftoi se nuk do ta nënshkruajë dekretin e ligjit.

Që sot të kalojë Ligji për ratifikimin e marrëveshjes me Greqinë “pro” duhet të votojnë 61 deputetë dhe përsëri duhet të dërgohet tek presidenti, i cili këtë herë sipas Kushtetutës është i detyruar ta nënshkruajë.

Pritet që edhe pas votimit të dytë në Kuvend, Ivanov nuk do ta nënshkruajë ligjin dhe të do veprojë njësoj si me Ligjin për përdorimin e gjuhëve, duke përdorur të ashtuquajturën “veton e xhepit”.