Polemika për vizitën e Ali Ahmetit në Athinë

Vizita që një delegacion i Bashkimit Demokratik për Integrim, i drejtuar nga Ali Ahmeti, bëri dje në Athinë, ka shkaktuar mjaft debate në Shkup. Ndonëse në takimin me ministrin e jashtëm grek Nikos Koxias ndodheshin edhe dy zëvendës-kryeministrat në qeverinë e Maqedonisë, kryeministri Nikolla Gruevski e ka quajtur këtë një vizitë private.

Edhe faktorë të tjerë thonë se vizita e zyrtarëve të BDI-së në Greqi ishte për interesa politike të saj. Ndërkohë, në takimin në Athinë është biseduar, mes tjerash, për çështjen e emrit të Maqedonisë.