Policia aksidentohet me një autobus, lëndohen 21 persona

Një aksident i rëndë ka ndodhur mëngjesin e sot në Graçanicë, vend ky i banuar me shumicë serbe.

Nga ky aksident kanë mbetur të lënduar 21 persona, pas një makinë e policisë dhe një autobus që po transportonte nxënës janë përplasur.

Rastin e ka konfirmuar zëdhënësja e Policisë për Rajonin e Prishtinës, Florie Ahmeti. Ahmeti ka thënë se deri tani ndihmë mjekësore kanë kërkuar 21 persona, derisa ka shtuar se me rastin po merret njësiti i trafikut.