Presidenca Bullgare e BE-së dhe thirrja e Hahn. Provë e Shqipërisë

Bashkimi Europian pritet të kalojë në një rrugë e cila duket pranuese për Ballkanin Perëndimor drejt bllokut të BE-së. Presidenca e BE-së e cila nis që nga 1 janari i 2018, dhe thirrja e Johannes Hahn për zgjerim të bllokut, janë shenja që Shqipëria dhe vendet aspirante të afrohen me BE.

Liliyana Pavlova, ministre përgjegjëse për presidencën bullgare të BE-së, tha se bashkëpunimi më i afërt me shtetet e Ballkanit perëndimor, përfshirë emigrimin dhe çështjet e sigurisë, është esencial për paqen dhe stabilitetin në Bashkimin Europian.

“Paqja, qetësia, stabiliteti dhe e ardhmja e Europës kalon nëpër Ballkanin perëndimor dhe projekti europian nuk do të jetë komplet pa atë”, i tha agjencisë Reuters, Lilyana Pavlova gjatë një interviste.

“Bashkimi Europian është gjithnjë e më i gatshëm të marrë parasysh vendet e Ballkanit Perëndimor që të hyjnë në bllok, të cilat mund të ndihmojnë në sigurimin e paqes në rajon duke pasuruar vetë BE-në”, tha Johannes Hahn, Komisioner i Integrimit të Bllokut.

“Ka më shumë gatishmëri në mesin e vendeve anëtare (BE) për të adresuar një zgjerim (se një vit më parë)”, tha Hahn për të përditshmen austriake ”Wiener Zeitung”.

“Shqipëria, Maqedonia, Mali i Zi dhe Serbia janë kandidate zyrtare për anëtarësimin në BE, ndërsa Bosnja dhe Kosova po kërkojnë të njëjtin status. BE-ja e sheh rajonin si të rëndësishëm për çështjet e kontrollimit të emigracionit, për të luftuar kërcënimet e sigurisë duke filluar nga ndërhyrja e supozuar e Rusisë në islamin radikal”,shtoi më tej komisioneri.

Shtetet anëtare kanë kuptuar se “paqja mund të arrihet në Ballkan dhe se perspektiva e bashkimit me BE-në është jetike për të”,-vijoi Hahn.

Komisioneri u shpreh se nuk e mbështet idenë e një Europe që ecën me ritën të shpejtë, pasi kjo do të çonte në largimin e vendeve anëtare. “Në vend të kësaj, duhet të bëhen të gjitha përpjekjet për të mundësuar që shtetet më të dobëta të arrijnë deri në forcimin e Bashkimit Europian”, tha ai.