Protestuesit në veriun e Kosovës, Kurti akuzon: Janë ekstremistë të dirigjuar nga Beogradi zyrtar

Kryeministri Albin Kurti në prani të ambasadorëve të QUINT-it, të cilët i ka pritur pasditen e së hënës, ka thënë se protestat në veri vijnë nga turma me ekstremistë të dirigjuar nga Beogradi zyrtar. Në një deklaratë të shpërndarë për mediat nga qeveria e Kurtit, thuhet se veprimet edhunshme dueht të dënohen nga të gjithë.

“Grafitet nacionaliste shoviniste serbe dhe aso pro-Kremlinit me ekstremistë të maskuar, që targetojnë, vandalizojnë dhe sulmojnë çdo gjë jo-serbe, është treguesi kryesor i motiveve prapa veprimeve të dhunshme, e të cilat duhet të dënohen ashpër nga të gjithë”, thuhet në komunikatë.

Bashkë me Kurtin, në takim me ambasadorët e vendeve të QUINT-it dhe Shefin e Zyrës së Bashkimit Evropian në Kosovë, ka qenë edhe zëvendëskryeministri i parë për Integrim Evropian, Zhvillim dhe Dialog, Besnik Bislimi.