Retorikat anti-BE, PPE përjashton partinë e kryeministrit hungarez

Partitë Popullore Europiane kanë përjashtuar partinë e kryeministrit hungarez, Viktor Orban, Fidesz me 190 vota pro dhe 3 kundër. Vendimi u mor, pas retorikave anti-europianë të tij në muajt e fundit.

Përjashtimi nënkupton që përfaqësues të partisë konservatore nuk do të jenë më të pranishëm në asnjë mbledhje partiake, nuk do të ketë kohë për të folur, as të drejtë vote, as të drejtën për të propozuar kandidatë për poste. Presidenti i PPE, Joseph Daul menjëherë pasi vendimit u shpreh se PPE-ja është një grup vlerash, që nuk toleron retorikat anti-BE.

“EPP është një grup vlerash dhe secili anëtar duhet të veprojë sipas parimeve që na bashkojnë. Sot, ka folur demokracia e brendshme. Pas kërkesës së 13 anëtarëve të partive, ne votuam për të pezulluar Fideszin deri në njoftimin e mëtejshëm. Ky vendim nuk është marrë lehtë. Si partia e Etërve Themelues të Evropës dhe shumë suksese evropiane, EPP është dhe duhet të mbetet një shenjë vlerash. Të gjitha partitë tona anëtare duhet të udhëheqin me shembull. Ne nuk mund të bëjmë kompromis mbi demokracinë, sundimin e ligjit, lirinë e shtypit, lirinë akademike apo të drejtat e minoriteteve. Dhe retorika anti-BE është e papranueshme. Divergjencat midis PPE dhe Fidesz duhet të pushojnë”, përfundoi Joseph Daul.