Rritet bilanci i viktimave nga zjarret në Greqi, shkon në 94 numri i të vdekurve

Rritet bilanci i viktimave nga zjarret masive të 24 korrikut, ndërsa numri i personave që humbën jetën ka shkuar në 94. Mediat greke raportojnë se ky është numri zyrtar i publikuar nga autoritetet shtetërore.

Ndërkohë, mes personave që humbën jetën janë edhe dy që ende nuk janë identifikuar, pasi asnjë familjar nuk është paraqitur për të dhënë ADN-në, shkruan ‘Kathimerini’.

Zjarri masiv që përfshiu Greqinë shkaktoi jo vetëm viktima, por edhe dëme materiale. Sakaq, mes viktimave ishin dhe 11 fëmijë, ku më e riu në moshë ishte një foshnjë 6-muajshe.