Takim me Vuçiç në Bruksel? Kurti: Nuk e di

Kryeministri i Kosovës, Albin Kurti thotë se nuk e ka vendosur ende nëse do të pranojë ftesën e përfaqësuesit të lartë për politikë të jashtme në BE, Josep Borrell për një takim në Bruksel për çtensionimin e situatës në veri të Kosovës.

“Në lidhje me ftesën e zotit Borrell që të takohemi në Bruksel, e kam pak të çuditshme sepse kur e pyetëm për një takim në Bruksel javën e kaluar, ai tha se së pari na duhet shtensionim i situatës.

Menjëherë pas rrëmbimit të tre policëve nga njësia speciale e Serbisë, Borrell kërkon takim të nivelit të lartë. Kur përshkallëzimi është i madh sa një mal, atëherë marr ftesë për takim në Brukesl. Kurse, kur kërkova vetë takim, thanë se më nevojitet të shtensionoj situatën”, tha Kurti.