Takimi me Merkel, Zaev: Detyrat e shtëpisë i kemi kryer me sukses

Në takimin që pati me kancelaren e Gjermanisë në Tiranë, kryeministri i Maqedonisë së Veriut thotë se qeveria i ka bërë detyrat.

Zoran Zaev përmes një postimi në rrjete sociale, tha se duhet të gjendet zgjidhja sa më parë për heqjen e pengesave politike në mënyrë që të integrohet Maqedonia e Veriut në BE.

Postimi i plotë

Falënderoj Kancelaren Merkel për angazhimin personal, për punën e përkushtuar dhe kontributin e çmuar në forcimin e marrëdhënieve të Gjermanisë me Maqedoninë e Veriut, si dhe për mbështetjen dhe mbështetjen e vendit të saj në rrugën tonë drejt anëtarësimit në NATO dhe në procesin e anëtarësimit në BE.

Na duhet sa më parë zgjidhja e pengesave politike dhe integrimi i Maqedonisë së Veriut në BE. I kemi kryer me sukses detyrat e shtëpisë, por kjo nuk do të thotë që të ndalemi këtu, në të kundërtën punojmë çdo ditë dhe luftojmë për një të nesërme më të mirë për qytetarët tanë.

Me Kancelaren Merkel u dakorduam që integrimi në BE si i Maqedonisë së Veriut dhe i rajonit të mos vazhdojë të vonohet dhe se është shënuar progres i qëndrueshëm nga të gjitha institucionet relevante evropiane dhe partnerët ndërkombëtarë të shtetit.