”Të dalë nga guacka e izolimit”, deputetja Kusari i përgjigjet Ramës: Mbyllni “Open Balkan”

Ditën e djeshme, kryeministri Edi Rama i bëri thirrje Albin Kurtit, që të dalë nga guacka e vetizolimit dhe mos ta humbasë veriun e Kosovës, duke parë kudo armiq dhe tradhëtarë.

Mimoza Kusari-Lila, kryetare e grupit parlamentar të LVV-së, i është përgjigjur Ramës. Në një postim në Twitter, ajo i ka kërkuar kreut të qeverisë shqiptare, që të mbyllë “Open Balkan”.

“I dashur kryeministër Edi Rama është kohë vere dhe akulli mund të shkrihet shpejt. Më mirë mbylleni “Ballkanin e hapur” dhe do shihni si do të ngrihen fqinjët verior nga fryma e jugut. Kidnapimi & mbajtja e policëve është arsyeja e kahmotshme pse kufinjtë e hapur me këtë Serbi nuk bëjnë”,-shkruan Kusari.

I dashur KM @ediramaal është kohë vere dhe akulli mund të shkrihet shpejt.
Më mirë mbylleni “Ballkanin e hapur” dhe do shihni si do të ngrihen fqinjët verior nga fryma e jugut.
Kidnapimi & mbajtja e policëve është arsyeja e kahmotshme pse kufinjtë e hapur me këtë 🇷🇸 nuk bëjnë. https://t.co/cwsTNDLYl2

— Mimoza Kusari 🇽🇰🇺🇦 (@mimozakusari) June 19, 2023