Tensionet e fundit në Veri, Vuçiç në samitin e Tiranës: Të negociojmë për paqe me shqiptarët

Nga samiti i BE-së dhe Ballkani Perëndimor në Tiranë, presidenti i Serbisë, Aleksandar Vuçiç, reagoi pas raportimeve se në veri të Kosovës ka pasur shpërthime dhe të shtëna me armë. Për të Kosova në kundërshtim me marrëveshjet e arritura në Bruksel, ka dërguar polici të armatosur rëndë në veri.

”Gjithmonë vras mendjen se kur do të vijë provokimi i radhës, që do të prishë stabilitetin dhe paqen. Sipas të dhënave, nuk kemi informacione për viktima dhe besoj se është e mundshme që kjo të ketë ndodhur.

Nuk e di çfarë po u shkon njerëzve në mendje, që shkaktojnë tensione dhe destabilizim çdo javë. Kemi përpara një periudhë të vështirë, por është e rëndësishme që të qëndrojmë pranë njerëzve tanë dhe të negociojmë për paqe me shqiptarët”.